വേലായുധേട്ടന്റെ വണ്ടിയില് കച്ചറ കുറച്ചുണ്ടായിരുന്നെങ്കില് ഇതു പൂര പറമ്പ്. !!!!???? ടിഷ്യു പേപ്പര് ചുരുട്ടി കടലാസ് പന്താക്കി കൂടിയിട്ടത് ഒരു വക. പെപ്സി ടിന്നുകള് ചിതറി ഇട്ടത്, കുറെ ചോക്കലേറ്റ് ബാക്കിയിരുപ്പുകള് , കുമ്പളങ്ങയുടെ വിത്ത് പോലത്തെ എന്തോ സാധനം കൊറിച്ചു തിന്നത്, (കടല കിട്ടില്ലേ ഇവിടെ ?) അങ്ങനെ... അങ്ങനെ ഒരു ആക്രിക്കച്ചവടം ലൈന് .... അവന്റെ സീറ്റ് ബാക്ക് സീറ്റിനോളം പിന്നോട്ടാക്കി വച്ചിട്ടുണ്ട് . ഇത്രയും എന്റെ ക്യാമറയുടെ ഫസ്റ്റ് ഷോട്ട് . കണ്ണാടിക്കു മേലെ ഒരു മുത്ത് മാല നീണ്ട വാലോടെ തൂക്കി ഇട്ടിരിക്കുന്നു. ഒരു മുത്തു മാല കൈയിലിട്ടു രുദ്രാക്ഷം പോലെ തെരുപ്പിടിപ്പിക്കുന്നു .
ഇടത്തെ കാല് മടക്കിവച്ച് ബാക്കിയുള്ള ഒരു കാലും ഒരു കൈയ്യും കൊണ്ടു നമ്മുടെ " മരണക്കിണറില് " വണ്ടിയോടിക്കുന്ന സെറ്റ് അപ്പില് ആശാന് കീറുകയാണ്.
നമ്മള് നാട്ടില് കണ്ട എമണ്ടന് സ്പീഡ് ഒരു തൊണ്ണൂറു വരെയൊക്കെ ആണ്. ഇതു സ്പീഡോമീറെര് ശരിയാണെങ്കില് നൂറ്റി നാല്പതില് ആണ് കീച്ചുന്നത്. പട്ടര്പാലം വണ്ടി N T C (ഞാന് ജനിക്കുന്നതിനും മുന്പ് ഉണ്ടായവന്) ടോപ്പ് ഗിയര് ഇട്ടപോലെ മൊത്തം ഒരു തരിപ്പ് അനുഭവപ്പെട്ടു തുടങ്ങി. മൂട് സീറ്റില് ഉറപ്പിക്കാതെ കയ്യില് ബലം കൊടുത്തു രാമ....രാമ.... ജപിച്ചു ഞാനും ഇരുന്നു.
"യുവര് ...ബാസ്പോട്ട്? !!! ## %%
എന്റെ ഫയലിലേക്ക് നോക്കി അവന് മൊഴിഞ്ഞു ...
അത് വാങ്ങി അവന് നെഞ്ചത്തെ കീശയില് തിരുകി ...
"യുവര്...#$#%**% ....
സര്ട്ടിഫിക്കറ്റ് ആണ് അവന് ചോദിച്ചതെന്ന് കഥകളി കണ്ടു ഞാന് മനസ്സിലാക്കി !!! കൊടുത്ത പാടെ അതിന്റെ പിന്നാമ്പുറത്ത് സൌദിയുടെ രണ്ടു വാളും പനയും ഒട്ടിചിട്ടുണ്ടെന്നു കക്ഷി ഉറപ്പാക്കി .... പിന്നെ നാലാക്കി മടക്കി വെള്ള നൈറ്റിയുടെ കാലിന്റെ പോക്കറ്റില് നിക്ഷേപിച്ചു ......
%$&...???!!!%%%.....&#%.... ????
എന്റെ പറശിനിക്കടവ് മുത്തപ്പാ ..... അത് പോയി...... എന്റെ സകല കണ്ട്രോളും പോയി .. മുടിയാനായിട്ട് ഇവന്റെ ഭാഷയും നമ്മള്ക്ക് വശമില്ലല്ലോ ??? അല്ല ഇനി വശമുണ്ടായിട്ടു തന്നെ എന്ത് രക്ഷ ...എന്നൊക്കെ ഓര്ത്ത് ഞാന് ഇരിക്കെ ഇരുട്ടടി പോലെ ആ ഭീകര സത്യം അവന് മൊഴിഞ്ഞു...
"മി യുവര് സ്ബോന്സര് ..... %#&***"
"യു കാള് കഫീല് ..." (അറബി നാമം)
ഈശ്വരാ .....ഇവനോ .....
"യു ബ്രിംഗ്..ഗുഡ് ബ്രൊജക്ട്.... ഡൂ...ഗുഡ് ....വര്ക്ക് ..ഐ ..ഹാപ്പി...%&#*!!"
(അത് ശരി ഇപ്പോള് പണിയൊന്നും ഇല്ലേ ? അത് കണ്ടപ്പോളേ തോന്നി. ഈയുള്ളവന് പണി പിടിച്ചു ഗുഡ് വര്ക്ക് ചെയ്തു കാശുണ്ടാക്കി തരണം. അതെന്തെടപടാണ് മാഷേ ??? നാട്ടിലാരും പണി താരത്തെ ശരിക്കും "പണി " കിട്ടി തുടങ്ങിയപ്പോളാണ് ഇങ്ങോട്ട് കെട്ടിയെടുത്തത്. മാസം പണിയെടുത്തു കിട്ടുന്നത് നന്ദി പൂര്വ്വം വാങ്ങി കഞ്ഞി കുടിക്കാലോ എന്ന് നിരീച്ചിട്ട്. നീ മിക്കവാറും ഹാപ്പി ആകും എന്റെ പൊന്നു "കഫീലെട്ടാ ..." എന്നൊക്കെ മനസ്സില് പറഞ്ഞു ഞാന് ഇരുന്നു . എന്ത് ചെയ്യാം നമ്മുടെ ആധാരവും ജാതകവും ആശാന്റെ രണ്ടു കീശയില് വിശ്രമിക്കുകയല്ലേ ??!!!)
മടക്ക ടിക്കെറ്റ് ഇരന്നെങ്കിലും ഉണ്ടാക്കി കൊടുത്താല് പാവം പൊയ്ക്കോട്ടേ എന്ന് കരുതി ജയില് മോചിതനക്കുമോ ? അല്ലെങ്കില് നാട്ടീന്ന് ഒരു കമ്പി വരുത്തി ഒരു പരോള് ആയെങ്കിലും തടി തപ്പനോക്കുമോ ? എവടെ ? നല്ലൊരു എലിയെ കിട്ടിയ മാര്ജാരന്റെ പാല്പുഞ്ഞിരി തെളിഞ്ഞു നില്ക്കുന്നില്ലേ നമ്മുടെ ആശാന്റെ മുഖത്ത് ?
അസ്സലാം അലൈക്കും എന്റെ പൊന്നു കഫീലെട്ടാ .......
അടിയന്റെ ഭാവി ചേട്ടന്റെ രണ്ടു കീശകളിലാണ് .......
3 comments:
!!! ## %%
%$&...???!!!%%%.....&#%.... ????
ഇതൊക്കെ നല്ല ഇഷ്ടായി.അതിനും വേണം യോഗം
വായിക്കാൻ നല്ല രസമുണ്ട്, ഒരു പ്രവാസിയായതു കൊണ്ട് എല്ലാം പെട്ടെന്നു പിടി കിട്ടി... വാസ്ഥവം...
എന്നിട്ടു എന്തായി??
ഞാൻ അറിഞ്ഞ ഗൾഫ് 3-ൽ നിറുത്തിയോ..?നന്നായിട്ട് എഴുതുന്നുണ്ടല്ലൊ... പിന്നെന്താ എഴുതാൻ കുഴപ്പം. അനുഭവിച്ചതും ഭാവനയും എല്ലാം കൂടി കലർത്തി ഇങ്ങു പോരട്ടെ... ആശംസകൾ...
Post a Comment